KREAN aspalditik ari da elkarlanean Bilboko Udalarekin Zorrotzako puntaren hirigintza-berrantolaketa egiteko, 31,61 ha-ko eremua, itsasadarraren ondoko hiri-berroneratzeko azken eremuetako bat.

Lehenengo fasean, antolamendu-aukeren azterketa bat egin zen, eta, bertan, espazioa antolatzeko hainbat aukera aztertu ziren, herritarren partaidetza-prozesu batean oinarrituta. Bigarren fasean, eraldaketa hori ahalbidetuko duen hirigintza-plangintza berria definitzen ari dira.

Erabilera mistoen eredu bat planteatzen da, egungo Zorrotza auzoaren ondo-ondoan dagoen azpizona batekin eta puntan dagoen jarduera ekonomikoko zona batekin, bizitegi-eremuaren ondoan dauden ekipamendu berriekin batera. Zorrotza Puntaren eta egungo auzoaren arteko lotura indartu eta hobetu egiten da trena lurperatuz eta trenbidearen gainean bi sarbide sortuz. Aldi berean, Zorrotza Punta Zorrotzaurre eta Barakaldorekin lotzen da Itsasadarraren eta Kadaguaren gaineko bi zubien bidez, oinezkoen, bizikleten, ibilgailuen eta tranbien mugikortasuna ahalbidetzeko.

Hori guztia osatzeko, kultura-ondareko elementu berezienak kontserbatzen dira, industria-iraganaren memoria zainduz.