Bilbaína de Alquitranes (BASA)

Lutxana

 

BASAk sektorean mende bat baino gehiagoko esperientzia du eta bere jarduera industrialaren ardatza da Europako siderurgia-talde nagusietako koke baterietatik datorren harrikatz-mundrunaren destilazioa.  

Fábrica de Productos Químicos, S.A (SANA) enpresak erosi ondoren, taldeak bere instalazioen berrikuntza teknologiko garrantzitsua egin zuen. Helburua zen ekoizpen-prozesu guztiak hobetu eta zabaltzea eta sektorearen lehia indartsuari aurre egiteko baliabide egokiak izatea. 

Destilategia Lutxana-Barakaldon dago, Bilbotik 5 kilometrora, Bilboko itsasadarraren ezkerraldean; hau da, Espainiako industria astunaren garapenari lotutako industrialdean.  

Mundrunaren destilaziotik lortutako zatirik astunena brea da. Harrikatz-brea solido beltz bat da giro-tenperaturan, hidrokarburo ugari nahasten dituena. BASAk brea mota ugari komertzializatzen ditu, merkatu kontsumitzaileen segmentu guztiei erantzuteko. 

BASAk harrikatz-mundrunaren destilazio zatikatuan ardazten du bere jarduera, bi instalazio erabiliz: destilazio jarraitua eta destilazio etena. Bi instalazioetan prozesu bera garatzen da eta aldi bereko izatearen arrazoia da ekoizpenean malgutasuna izatea. 

Malgutasun- eta ekoizpenaren hobetze- politiketan LKS KREANek xehetasuneko ingeniaritza-proiektuetan eta zenbait instalazio muntatzeko eta abian jartzeko ikuskapen-proiektuetan lan egin du; hala nola, break biltegiratzeko tankeen parkea 350ºC eta 400ºC arteko eragiketa-tenperaturan handitzea eta kreosoten kristalizazio-instalazioa berritzea, -10ºC eta 200ºC arteko eragiketa-tenperaturarekin. 

Bilbaína de Alquitranes (BASA) - Lutxana

basa_proyecto01

Bilbaína de Alquitranes (BASA) - Lutxana

basa_proyecto02

Bilbaína de Alquitranes (BASA) - Lutxana

basa_proyecto03

Bilbaína de Alquitranes (BASA) - Lutxana

basa_proyecto04

Bilbaína de Alquitranes (BASA) - Lutxana

basa_proyecto05