Joan den larunbatean, otsailak 28, First Lego Ligueko Euskadiko finala jokatu zen, eta estatukoa Burgosen izango da, martxoaren 11n. Aurten, lehen aldiz, ekitaldia bi egoitzatan egin da aldi berean: Arrasateko Iturripe kiroldegian eta Bilboko Mondragon Unibertsitateko As Fabrik campusean. Bi kokapenen artean, ia 500 gaztek (67 taldetan banatuta), harmailak bete dituzten ehunka boluntario eta seniderekin batera, talde-lana eta robotika uztartu dituen goiz ahaztezinaz gozatu dute. Emozioak, musikak (Xaibor DJaren eta txarangaren laguntzarekin) eta elkarren babesak markatu dute finala, Erronka Garbia zigiluaren iraunkortasun konpromisoarekin.
Joxé Oleaga arkitekto eta Arrasateko bulegoko zuzendariak KREAN “Ingeniaritzan Bikaintasuna“ saria eman dio Bermeoko (Bizkaia) Sagrado Corazón ikastetxeko BERMIBOT POTOLO taldeari.
Zorionak parte hartzaile guztiei eta antolakuntzari. Aurten ere, eta zazpi aldi dira, maila igotzea lortu dute!
Informazio gehiago hemen: T.U. lankide
