LKS KREANek Zubikoa kiroldegiaren eraberritze eta handitzea Oñatin (Gipuzkoa)

LKS KREANek Oñatiko Zubikoa kiroldegiaren eraberritze eta handitze proiektua eta obra zuzendaritza egingo ditu. Proposamenak esleipen-prozesuaren gehienezko puntuazioa lortu du Udalak egindako lizitazio publikoan. Proiektua 2018an egingo da eta obrak 2019 eta 2020 artean aurreikusi dira.

Proposamena arrakastatsua izan da planteamendu posibleak eta arrazoizko inbertsio eta plangintza testuingurua ezarri direlako, dauden azpiegiturak errespetatuz, balioan jartzeko. Aurreikusitako lan gehienak kiroldegia erabiltzen den bitartean egin daitezke, igerilekuaren eraikineko estaldura mantentzen delako eranskina egiten ari den bitartean. Ideia beti izan da kiroldegiko zerbitzuak ahalik eta denbora gutxienean etetea.

LKS KREANek integrazio proposamen bat egin du gaur egungo bolumenak errespetatuz, igerileku eta sauna guneak lehen solairuan kokatuz eta zuzendutako jarduera guneak beheko solairuan kokatuz, gaur egungo fitness gunearen ondoan. Programa hori bete ahal izateko, eranskin bat eraikitzea proposatu da, lanak kiroldegia irekita mantentzen den bitartean eginez. Obrarako sarbidea kiroldegiarenaren desberdina izango da. Gune hezeetako zerbitzuetan eragina edukiko duten lan bakarrak erabilera anitzeko igerilekuan, harmailetan, administrazioan, gune teknikoan eta aldageletan egin beharrekoak izango dira. Bi padel-pista integratuko dira, lehendik dagoen tenis-pistari jarraipena emanez.

LKS KREANek proposatu du, oinezkoek ibilgailuak baino garrantzi handiagoa duen ekosistema bat sortzea, nahiz eta azken hauek beharrezkoak izan. Ibilgailu motordunen eta oinezkoen arteko bizikidetza proposatu da, Zubikoako sarbidean eta biribilgunean dauden aparkaleku libreak ezabatuz. Hiru leku mantenduko dira pertsona ezinduentzako, anbulantzia eta karga-deskargarako.

Ikusi bideoa hemen