Garbera Merkataritza Zentroak bukatu ditu bere handitze lanak

UNIBAIL-RODAMCO WESTFIELD-ek Donostiako Garbera Merkataritza Gunearen handitzea burutu du KREANen proiektuekin eta obra zuzendaritzarekin, L35 ARKITEKTOEN diseinu kontzeptualarekin eta MITARKen exekuzio zuzendaritzarekin. Hedapen osoak 63 milioi euroko inbertsioa ekarri du eta guztira bost urteko iraupena izan du. 

Lanak lau fasetan egin dira, bisitariei eta merkatariei ahalik eta eragozpen gutxien eragiteko, eta merkataritza-gunearen ohiko funtzionamendua errespetatu da prozesu osoan zehar. 

Handitze horrek merkataritza-gunearen irudia erabat berritzea ekarri du. Merkataritza-eremua 30.000 m²-tan handitu da, 34 denda berri, 15 jatetxe eta kafetegi berri eta 7 zinema-areto dituela; lurpeko aparkaleku bat sortu da, bi solairutan banatutako 2.000 plazarekin; guztira 54.000 m²-ko azalera du; eta kanpoaldeko urbanizazioa erabat berritu da, 1.600 aparkaleku eta berdegunerekin. 

Proiektu honen bidez, Garbera Merkataritza Zentroak erosketetarako eta aisialdirako helmuga gisa finkatu nahi du, bezeroei esperientzia paregabea eta bereizia eskainiz.