KREAN, LKS, ATHLON, CODESYNTAX, ONDOAN eta SMART STRATEGY FOR COMMUNICATION enpresek osatutako partzuergoak, VICOMTECHekin lankidetzan, arrakastaz amaitu du ADAGIO proiektua, enpresa-ingurunean adimen artifizialaren benetako aplikazioa bultzatzeko ekimen estrategikoa.

ADAGIOk Large Language Models-en (LLM) oinarritutako testua automatikoki sortzeko sistema aurreratu bat ikertzea eta garatzea ahalbidetu du. Sistema hori hainbat sektoretara egokitzeko diseinatuta dago, domeinu bakoitzari dagokion dokumentazioarekin eta terminologiarekin egindako entrenamendu espezializatuaren bidez. Ikuspegi horrek AA funtsezko prozesu korporatiboetan integratzea errazten du, eraginkortasuna, informazioaren kalitatea eta erabakiak hartzeko gaitasuna hobetuz.

ADAGIO proiektuak HAZITEK programaren finantzaketa jaso du, Eusko Jaurlaritzako Industria, Trantsizio Energetiko eta Jasangarritasun Sailarena, bai eta Europar Batasunarena ere (EGEF).